Hulumtimi më i ri ka dëshmuar se nga numri i përgjithshëm i celularëve të shitur në Shtetet e Bashkuara të Amerikës, më shumë se një e katërta kanë qenë telefona të mençur – smartphones.



Sipas hulumtimit të kompanisë NPD Group, në SHBA gjatë tremujorit pranveror nga të gjithë celularët e shitur 28% e tyre kanë qenë “të mençur”. Shitjet e këtyre telefonave, krahasuar me një vit më herët, janë rritur madje për 47%.

Gjithashtu, është i dukshëm edhe ndikimi i këtyre telefonave në tregun e përgjithshëm mobil në SHBA. Kështu, nga të gjithë celularët e shitur 26 për qind kanë pasur ekrane të ndjeshme në prekje, derisa përdorimi i qasjes Wi-Fi në internet është trefishuar krahasuar me një vit më herët.

Pritet që me rënien e mëtutjeshme të çmimeve të telefonave të mençur popullariteti i tyre vetëm sa do të rritet edhe më shumë, porosisin nga kompania NPD.

Në specifikat zyrtare të iPhone 3GS shkruan se kjo pajisje është në gjendje të shfaq video materiale të rezolucionit deri në 640 x 480 piksela. Mirëpo, me disa probleme të vogla, djelmoshat nga një forum kinez kanë arritur të dëshmojnë se edhe video materialet me definicion të lartë (HD) mund të punojnë bukur mirë në të.



E dimë se iPhone 3GS ka procesor më të shpejtë sesa paraardhësi i tij, mirëpo deri më tani nuk e kemi ditur se pajisja e re e kompanisë Apple është në gjendje të shfaq video HD (me rezolucion prej 1920 x 1080 piksela). Falë aplikacionit pa pagesë me emrin FileAid është e mundur të anashkalohen ndalesat e Apple dhe të shihen video materiale në këtë rezolucion.

Portali teknologjik Engadget ka testuar disa video incizime e edhe pse disa prej tyre ngrihen, e tjerat shkaktojnë rrëzimin e sistemit të pajisjes, megjithatë kanë dëshmuar se HD video në ... Read more »

Operatori britanik i telefonisë mobile “Orange” ka paralajmëruar datën e saktë të fillimit të shitjes së celularit-orë GD910 të kompanisë LG.



Celulari i LG-së i vendosur në shtëpizën e orës së dorës GD910 del në shitje në Britani të Madhe qysh prej muajit të ardhshëm. Operatori i vetëm telefonik i cili tani për tani e ofron atë është “Orange” dhe atë për 500 funte, që i bie diç më pak se 600 euro.

Është interesante se bëhet fjalë për një pajisje “të dekoduar” e cila mund të përdoret në çfarëdo rrjeti.

Ndryshe, bëhet fjalë për një pajisje me ekran 1.4 inçësh të ndjeshëm në prekje, me mbështetje për teknologjinë e gjeneratës së tretë (3G), Bluetooth, video-kamerë, MP3 player dhe një varg shtojcash tjera të rëndomta për këtë lloj pajisjesh.

Grupacioni FIAT me krenari ka njoftuar se fabrika në Poloni ka prodhuar Fiat Panda-n e 1.500.000-të, që është rekord i kompanisë italiane.Numri rekord i Fiat Panda me motor 1.3 Multijet dhe me eksterier të veçantë “emotion” i është dorëzuar një klienti të veçantë italian.

Në përgjithësi, prodhimi i këtij modeli të Fiatit daton që nga viti 2003, me ç’rast me kalimin e viteve ka fituar disa çmime duke përfshirë edhe çmimin për automjetin e vitit në Evropë, në vitin 2004.

Për suksesin e Panda-s polake flet edhe fakti se 93.3% e automjeteve janë porositur në 74 vende të ndryshme.

Për të përkujtuar, në ofertën e Panda-s janë tre tipa motorësh benzinë (1.1 me 54 KF, 1.2 me 60 KF dhe 1.4 me 100 KF) dhe një motor me naftë (1.3 Multijet me 70 KF).

Një tjetër premierë interesante në Frankfurt do të jetë prezantimi i modelit të ri të KIA cee’d.

Modeli për vitin 2010 vjen pas vetëm tre vitesh pranie në treg, kështu që fillimisht do të ofrohet me dy eksterierë- kombi limuzinë me pesë dyer dhe si karavan.

Forma e pjesës së përparme të automjetit- maska, është e re. Megjithatë, përveç dukjes së jashtme janë ndryshuar edhe disa elemente në motor, me ç’rast shpenzimi dhe emetimi i dëmshëm i gazrave janë për 5% më të ulët.

Kjo është arritur me anë të vendosjes së sistemit Start-Stop, ISG (Idle Stop & Go), i cili për motorët benzinë 1.4 dhe 1.6 litërsh, si edhe për motorin me naftë 1.6 litërsh, janë në dispozicion me pagesë shtesë.

Ekrani i ri plazma i kompanisë Panasonic sjell me vete një diagonale të madhe, rezolucion të plotë me definicion të lartë dhe shtojca për reklama.

Ekrani shfaqë rezolucion të plotë HD (1.920 x 1.080 piksela) me nivel të kontrastit prej 40.000 : 1, derisa për kualitetin e fotografisë dhe ngjyrave përkujdeset teknologjia NeoPDP.

Përveç kësaj, ky ekran posedon edhe lidhjen për LAN e cila shërben për kontrollimin dhe udhëheqjen nga largësia, që mund të jetë e dobishme nëse plazma përdoret për qëllime reklamuese apo kombinon më shumë ekrane në një.

Plazma është me trashësi më të vogël se 10 centimetra dhe peshë nën 130 kilogramë, derisa në shitje del në vjeshtë për çmim tani për tani të panjohur.

Mire Se Vini Ne Forumin Kch-crew.do.am